لوکا مۆدریچی ئەستێرەی پێشووی ریاڵ مەدرید و یاریزانی ئێستای یانەی میلان لە چاوپێکەوتنێکدا لەگەڵ ڕۆژنامەی مارکا ڕوونی کردەوە کە مۆرینیۆ لە کاتی دانوستانە ئاڵۆزەکانی لەگەڵ تاتنهامدا هەموو هەوڵێکی دا تا ئەوە بگوازێتەوە بۆ مەدرید و تاكە داخی ئەوەیە کە تەنها یەک ساڵ لە ژێر دەستیدا یاری کردووە.
مۆدریچ ئاماژەی بەوە دا کە ریاڵ مەدرید ماڵی یەکەمێتی و حەز دەکات دوای کۆتاییهاتنی ئەرکی لە میلاندا لە داهاتوودا لە پۆستێکی کارگێڕیدا بگەڕێتەوە یانەکە.
هەروەها ستایشی گەڕانەوەی سەرلەنوێی مۆرینیۆی کرد بۆ بێرنابیۆ و ڕایگەیاند کە ئەو باشترین بژاردە بوو بۆ کۆنتڕۆڵکردنی پێکهاتەی ئێستا و دروستکردنی تیپێکی بەهێز کە زەنگێکی مەترسییە بۆ تەواوی یانەکان.
لە کۆتاییدا مۆدریچ جەختی کردەوە کە ریاڵ مەدرید نابێت سەیری سەرکەوتنەکانی بەرشەلۆنە یان هیچ یانەیەکی تر بکات بەڵکو دەبێت تەنها سەرنجی لەسەر گەشەپێدانی خۆی بێت و تاوەکو یانەکانی تر لێیان بترسن.