ئیدارەی وزەی ئەمریکا ڕایگەیاند کە هەناردەکردنی نەوتی خاوی عێراق بۆ بازاڕەکانی ویلایەتە یەکگرتووەکانی ئەمریکا دەستی پێکردووەتەوە.
ڕێژەی هەناردەکە لە هەفتەی ڕابردوودا گەیشتووەتە تێکڕای 38,000 بەرمیل لە ڕۆژێکدا، دوای ئەوەی لە هەفتەی پێشووتردا بە تەواوی ڕاوەستابوو و گەیشتبووە سفر.
بەپێی زانیارییەکانی ئیدارەی وزەی ئەمریکا، ئەم دەستپێکردنەوەیەی هەناردەکردن وایکردووە عێراق جارێکی دیکە بگەڕێتەوە ناو ڕیزبەندیی وڵاتە گەورەکانی دابینکەری نەوتی خاو بۆ بازاڕەکانی ئەمریکا.
ئەم پێشهاتە نیشانەی دەستپێکردنەوەی جووڵەی بازرگانیی نەوتە لە نێوان بەغدا و واشنتۆندا، بەوپێیەی گەڕانەوەی نەوتی عێراق بۆ بازاڕەکانی ئەمریکا دەبێتە هۆی سەقامگیربوونی زیاتری ئاڵوگۆڕی وزەی نێوان هەردوو وڵات.