کابینەی نۆیەمی حکومەتی هەرێمی کوردستان لە درێژەی پلانی ستراتیژیی هاوسەنگی لە دابەشکردنی خزمەتگوزارییەکان، بناغەی سەنتەری نەخۆشییەکانی مەمکی دانا و لە تشرینی دووەمی 2023 ئەم سەنتەرە کارەکانی تەواو بوو و کەوتە خزمەتی هاووڵاتییانی پارێزگهی هەڵەبجە.
لەم سەنتەرەدا، سەرجەم پێداویستییەکانی پشکنین و چارەسەری نەخۆشییەکانی مەمک بەردەست کراون و گشت خزمەتگوزارییەکان بەشێوەی بێبەرانبەر پێشکەشى چارەخوازان دەکرێن.
خزمەتگوزارییەکانی سەنتەر:
• بەشی ڕاوێژکاری
• مەمۆگراف
• سۆنەر
• تاقیگە
• دەرمانخانە
ئامار و داتا فەرمییەکان
• 1,331 چارەخواز لە ماوەی شەش مانگی ڕابردوودا سەردانی سەنتەرەکەیان کردووە بەمەبەستی وەرگرتنی چارەسەر و بینینی پزیشکی پسپۆڕ.
• 311 کەس لە بەشی مەمۆگراف سوودمەند بوون.
• 180 کەس لە بەشی سۆنار سوودمەند بوون، ئەمەش بۆ یەکەمین جارە لە سنووری پارێزگهی هەڵەبجە لە سەنتەرێکی پسپۆڕيی پێشکەوتوو پێشکەش دەکرێت.
• 15 بۆ 20 نەخۆش ڕۆژانە بەمەبەستی پشکنین سەردانی سەنتەرەکە دەکەن، ئەمەش هاوکاتە لەگەڵ بەرزبوونەوەی ئاستی هۆشیاریی کۆمەڵگه و گرنگیدان بە پشکنینی پێشوەختە، بەتایبەت لەلایەن خانمانەوە.