قەتەر نیگەرانیی خۆی بەرانبەر لێکەوتە مەترسیدارەکانی داخرانی ڕێڕەوی ئاویی ژیانیی بابولمەندەب دەربڕی.
بە گوێرەی هەواڵێکی ئاژانسی فرانس پرێس، ئیبراهیم هاشمی، لە بەرپرسانی وەزارەتی دەرەوەی قەتەر، بە ڕۆژنامەنووسانی گوت: «جیهان بە پێی پێویست بەهۆی داخرانی گەرووی هورمزەوە زیانی بەرکەوتووە، بۆیە نابێت بابولمەندەب بۆ ئەم هاوکێشەیە زیاد بکرێت.»
ناوبراو گوتی داخرانی دەروازەی باشووری دەریای سوور بۆ هەموو جیهان «کارەساتبار» دەبێت و «هەر ئێستا شایەتی لێکەوتەکانین… لەبەر ئەوە، قەتەر جەخت لەسەر دیپلۆماسی و گفتوگۆ دەکاتەوە.»
حوسییەکان بەسەر کەناراوەکانی ڕۆژهەڵات و گەرووی بابولمەندەبدا زاڵ بوون و نیگەرانی ئەوە هەیە ڕێگەی گەیشتن بە کەناڵی سوێس دابخەن. حوسییەکان دوای کۆنترۆڵکردنی ئەم گەرووە لە چەند ڕاگەیەندراوێکدا جەختیان کردەوە بابولمەندەب لەبەردەم هەموو کەشتییەکاندا، جگە لە کەشتییەکانی سعوودیە، کراوەیە..