ئەکتەری مەکسیکی، سەلمە حایک باسی لە سروشتی پەیوەندییە بەهێز و تایبەتەکەی لەگەڵ ئەکتەر و دەرهێنەری ئەمریکی ئەنجلینا جۆلی کرد لە کاتی وێنەگرتنی فیلمی نوێیان بە ناوی “Without Blood”.
حایک تەمەن (٦٠ ساڵ) کە ڕۆڵی سەرەکی لە فیلمەکەدا لەگەڵ دیمیان بەشیر دەگێڕێت، ئاشکرای کرد، پشت پەردەی وێنەگرتنی فیلمەکە پڕ بووە لە گفتوگۆی کراوە، گریان، پێکەنین و تەنانەت هەندێک جار هاوارکردن بەسەر یەکتردا بەهۆی جۆش و خڕۆشی زۆریان بۆ کارەکە.
سەلمە حایک ئاماژەی بەوەد، گفتوگۆکانی لەگەڵ جۆلی (تەمەن ٥١ ساڵ) زۆر خۆڕسک و خۆش بوون. حایک وتی: «کاتێک هەست دەکەیت کەسێک بە قووڵی لێت تێدەگات، ئەوا ڕووبەرێکی تەواوت پێدەبەخشێت بۆ ئەوەی بە سروشتی خۆت ڕەفتار بکەیت و بێ هیچ کۆتوبەندێک دەربڕین لە خۆت بکەیت”.
ئەم کارە دووەم ئەزموونی هاوبەشی ئەم دوو ئەستێرەیە دوای ئەوەی لە ۲۰۲۱ لە فیلمی سینەمایی “Eternals”ی کۆمپانیای مارڤڵ بەیەکەوە بەشداربوون.
فیلمی نوێی “Without Blood” لە دەرهێنان و نووسینی ئەنجلینا جۆلییە و وەرگیراوە لە ڕۆمانێکی نووسەری ئیتالی ئەلیساندڕۆ باریکۆ کە لە ۲۰۰۲ بڵاوکراوەتەوە.