دوای شکستە تاڵەکەی یانەی ڕیاڵ مەدرید لە یاری دێربیدا، شەپۆلێکی بەهێزی ڕەخنە بەرۆکی یاریزانانی یانەی شاهانەی گرتووە و ئاستی نادیاریان لە ناو یاریگادا بوەتە جێی سەرنجی میدیاکان.
بەرنامەی بەناوبانگی ئێلچیرینگیتۆی ئیسپانی لە شیکارییەکی تایبەتدا تیشکی خستە سەر ئەوەی یاریزانانی ڕیاڵ مەدرید بە بێ هیچ پلان و بیرۆکەیەکی روون و بە ورەیەکی داڕووخاوەوە هاتوونەتە ناو یاریگا، هەروەها جەختیان لەوە کردەوە کە بەشێک لە یاریزانەکان بە هیچ شێوەیەک شایستەی پۆشینی درێسی یانەی شاهانە نین چونکە ئاستیان گەیشتووەتە ئاستی کارەسات و ئەم دابەزینەش تەنها پەیوەندی بەم یارییەوە نییە بەڵکو لە زۆربەی ڕووبەڕووبوونەوەکاندا بەدی دەکرێت.
لە لایەکی ترەوە و بەپێی ڕاپۆرتی ڕۆژنامەکان، ژووری جلگۆڕینی ڕیاڵ مەدرید بوەتە کێڵگەی تووڕەیی و یاریزانەکان ناوبژیوانی یارییەکە بە هۆکاری سەرەکی شکستەکەیان دەزانن، بەو پێیەی بڕوایان وایە ڕەفتارەکانی هەردوو یاریزان ڕۆمێرۆ و لی کانگ ئین شایستەی سزای ڕاستەوخۆ و کارتی سوور بوون بەڵام ناوبژیوان چاوی لە ئاستیان نوقاندووە.