ئەڤرۆ ڕۆژا شەمبی (١٧ی تشرینا ئێكێ ٢٠٢٦)، بەڕێز “د.عەلی تەتەر”، پارێزگارێ دهۆکێ، سەرا هۆنەرەمەندێ دیار و ناسکری یێ پارێزگەها دهۆکێ “شاهین کیڤور” دا، ئەڤەش ژ بڕگەیا گرنگیدانا بەردەوام یا حکوومەتا خۆجیهیا دهۆکێیە ب ناڤ و نیشانێن دیار یێن هونەری و چاندیی.
د وێ سەردانێ دا، پارێزگارێ دهۆکێ ژ نێزیک ڤە ڕەوشا ساخلەمیا هۆنەرەمەندی پرسی، کچو ماوەیەکە تووشی نەخۆشییا چاڤان بوویە، و هیڤییا زوو چێبوون و ساخلەمییا باش بۆ خواست. هەروەسا ناڤبری پشته‌ڤانیا خۆ و یا ئیدارەیا پارێزگەهێ بۆ چاره‌سه‌رییێن وی دیارکر، هیڤی خواست ب زوترین دەم ب ساخلەمییەكا باش ڤەگەرێتە مەیدانا هونەری و دووبارە دەست ب خزمەتکرنا بوارێ هونەری بکەت.
ژلایێ خۆ ڤە، هونەرمەند شاهین کیڤور سوپاس و پێزانینێن خۆ ئاراستەی بەڕێز پارێزگارێ دهۆکێ کر بۆ ڤێ سەرەدان و پشته‌ڤانییا گەرم، کو ئەڤە نە یا ئێکمجارە پارێزگار خوە خودانێ کەرتێ هونەری و هونەرمەندێن دەڤەرێ دبینێت و ب ڕێکا سەندیکا هونەرمەندان بەردەوام لەز و بەنگینە د گەل ڕەوشا وان.