شەڤێدی، پۆلیسێن دهۆکێ ب هەبوونا تاوانەکا کوشتنێ ل تاخێ “نزارکێ” هاتنە ئاگەهدارکرن.
ل دەما تیمێن پۆلیسان گەهشتینە جهێ روویدانێ، دیار بوو کو ئافرەتەکێ هەڤژینێ خوە یێ ٣٤ سالی ب چەقویێ بریندار کریە.
سەرەڕای ڤەگوهاستنا برینداری بۆ نەخۆشخانێ، لێ ژبەر سەختیا برینێن وی، ناڤهاتوی گیانێ خوە ژ دەست دا و بۆ داتایێن پزیشکی هاتە ڤەگوهاستن.
ژ بۆ ئاشکەکرنا ئەگەرێن دروست یێن ڤێ تاوانێ، پۆلیسان پەڕێن ڤەکۆلینێ ل نڤیسینگەها تاوانێن کوشتنێ ل سەر ڤەدیتنا روویدانێ و لدویف ماددەیێ (٤٠٥/٣١) یێ سزایان ڤەکرن.
پۆلیسێن دهۆکێ ڕاگەهاند؛ هەڤژینا قوربانی کو ژنەکا ٣٠ سالییە، ل سەر ڤێ تاوانێ هاتیە دەستەسەرکرن و نوکە ژی ل بن لێپرسینێ یە هەتا رێکارێن دادوەری بەرامبەری بێنە گرتن.
