پڕۆژه‌یێ ئاڤا ڤەخوارنێ بو ده‌ڤه‌ردارییا به‌رده‌ڕه‌ش پڕۆژەیەکێ مەزن یێ ژێرخانا ئاڤێ یێ حكومه‌تا هه‌رێما كوردستانێ یه کۆ مەرەم ژێ دابینکردنا ئاڤا ڤەخوارنێ یە بۆ سەنتەرێ ده‌ڤه‌ردارییێ و ناوچه‌دارییێن داره‌تو و كه‌له‌ك و روڤیا و هژماره‌كا زورا گوندان كۆ لسه‌ر بودجێ پارێزگه‌ها دهوكێ و ب سه‌رپه‌رشتیا رێڤه‌به‌رییا ئاڤا ده‌وروبه‌رێن دهوكێ دهێته جێبه‌جێكرن و رێژا كارێ هاتیه ئه‌نجامدان گه‌هشتیه 38%
پڕۆژە پێکهاتییە ژ Intake،وێستگەها WTP، عەمبارێن ئاڤێ، تۆڕا دوو بۆڕیێن گەهاندن و دابەشکرنێ ب درێژاهیا 451 km ژ وان ژی تورا بۆڕیه‌كێ ژ جورێ Ductile Iron ب درێژاهیا 251km ب قه‌بارێ mm400,1000 و بوریه‌ك ژ جورێ HDPE ب درێژاهییا 200km ب قه‌بارێ mm350-90 دگه‌ل ژێرخانا کارەبێ یا 33 kV.
بەشێ وەرگرتنا ئاڤێ ل سەر زێی مەزن ل نێزیک گوندێ دالەر جێگیرە و شیانێن وەرگرتنا نێزیکی 3,300 m³/h ژ ئاڤا خاڤ هەنە، و ئاڤا وەرگرتی بەرەڤ WTP دگەهینیت.
وێستگەها پاقژکرنا ئاڤێ شیانێن پاقژکرن و بەرهەمئینانا نێزیکی 3,000 m³/h ژ ئاڤا پاقژ هەنە و 37 عەمبارێن ئاڤێ ل 18 جهێن جود دگه‌ل 250بیرێن ئاڤێ ب شیانێن کۆمکرنا نێزیکی 124,000 m³ ژ ئاڤێ بخۆڤه‌دگریت.
ب ڤی پڕۆژه‌یێ مه‌زن 181هزار كه‌س دێ سودمه‌ندبن.
هژمارا گوندێن نهێا یێن دكه‌ڤنه به‌ر سودمه‌ندییا پڕۆژه‌ی 95گوندن و گوندێن پێشبینیكری ل داهاتی 106گوندن.
شیانێن وەرگرتنا ئاڤێ ل (Intake)ێ 3,300 m³/h
شیانێن وێستگەهێ پاقژکرنا ئاڤێ (WTP)ێ 3,000 m³/h