ئومێد ئەحمەد، گوتەبێژی وەزارەتی کارەبای حکوومەتی هەرێمی کوردستان رایگەیاند، بەهۆی هێرشکردنە سەر کێڵگەی کۆرمۆر و راگیرانی هەناردەی گاز، بەرهەمهێنانی کارەبا لە تۆڕی نیشتمانی بە بڕی 2500 بۆ 2800 مێگاوات کەم دەبێتەوە.
وەزارەتی کارەبا بۆ رێگریکردن لە کوژانەوەی گشتی، لە رێگەی بەگەڕخستنی وێستگەکانی هایدرۆپاوەر و وێستگە سووتەمەنییەکان، کارەبا بۆ نەخۆشخانە و وێستگەکانی ئاو دابین دەکات.
ئاساییبوونەوەی دۆخی کارەبا بەستراوەتەوە بە دەستپێکردنەوەی هەناردەی گاز و پێشبینی دەکرێت لە نیوەڕۆی سبەی پرۆسەکە قۆناغ بە قۆناغ ئاسایی ببێتەوە.