zagros news agency

وەزارەتی گواستنەوە و گەیاندن: تێلیگرام رادەگیرێت

راگەیانراوێک بۆ ڕای گشتی..

ئاگاداری هاونیشتیمانیانی بەرێز دەکەینەوە کەوا لە رێگای نوێنەرایەتی حکومەتی هەرێم لە بەغدا ، نوسراوێکی فەرمی حکومەتی عیراقی فیدراڵ ، سەبارەت بە راگرتنی پلاتفۆڕمی تیلگرام بە دەستمان گەیشت.

لە نوسراوەکەدا رونکراوەتەوە کە ئەم بڕیارە بە راگرتنی کاتی پلاتفۆرمەکەیە ، بەهۆی بڵاوکردنەوەی بابەتی نا یاسایی کە هەرەشەن دژ بە ئاسایشی نیشتیمانی و ئاشتەوایی کۆمەڵایەتی و بڵاوکردنەوەی گوتاری توندوتیژی و رق و کینە.

بڕیارەی ئاماژەپێدراوی حکومەتی عیراقی فیدراڵ دەرفەتی داوە بەو کۆمپانیایەی پلاتفۆڕمەکە بەڕێوەدەبات کە لەماوەی ٣٠ رۆژدا پابەندی یاسا و رێنماییەکانی حکومەتی بن.

بۆیە وەزارەتی گواستنەوە و گەیاندنی حکومەتی هەرێم ئەمڕۆ بە نووسراوێکی تایبەت داواکاری حکومەتی فیدڕاڵی ئاراستەی گشت کۆمپانیاکانی خزمەتگوزاری ئینتەرنێت کرد بە تایبەت ئەوانەی کە مۆڵەت پێدراوی وەزارەتمانن لە هەرێمی کوردستان ، کە بە پێی یاسا لە پێناو بەرژەوەندی گشتی کاری پێویست ئەنجام بدەن .

وەزارەتی گواستنەوە و گەیاندن
٢٢-١١-٢٠٢٦

هەواڵی پەیوەندیدار

وەزارەتی شارەوانی هەوڵ ده‌دات، لەمساڵدا سەرجەم زەوییە کارتەکان سه‌نه‌دیان بۆ ده‌ربكات

سەڵاح

“فارس عیسا” پێشوازى لە بەڕێوەبەرى یەکەى بەڕێوەبردنى قەرزى سەربە بەرنامەى گەشەپێدانى نەتەوە یەکگرتووەکان دەکات

دڵشاد

خۆپێشاندانی بەرفراوان لە ئالبانیا دژی پڕۆژە‌ی بیناسازیی زاوای تڕەمپ

سەڵاح