کۆمپانیای ئۆپن ئەی ئای (OpenAI) لە نوێترین هەنگاویدا، تایبەتمەندییەکی نوێی بە ناوی “نووسینەوەی دەنگی ڕاستەوخۆ” بۆ سەرجەم بەکارهێنەرانی چات جی پی تی کارا کرد.
ئەم تایبەتمەندییە نوێیە لە تەواوی وەشانەکانی ماڵپەڕ، ئەپڵیکەیشنی کۆمپیوتەر و مۆبایلە زیرەکەکاندا بەردەست خراوە. لە ڕێگەی ئەم خزمەتگوزارییەوە، بەکارهێنەران دەتوانن ڕاستەوخۆ قسە بکەن و هاوکات بە شێوەیەکی دەستبەجێ (کاتی ڕاستەقینە) قسەکانیان بگۆڕدرێت بۆ دەقی نووسراو، بەبێ ئەوەی پێویست بکات چاوەڕێی کۆتاییهاتنی تۆمارکردنی دەنگەکە بکەن.
بەکارخستنی ئەم تایبەتمەندییە دەبێتە هۆی خێراتربوونی پرۆسەی ئاڵوگۆڕکردنی پەیامەکان و بەرزبوونەوەی ئاستی کارایی بەکارهێنەران لە کاتی جێبەجێکردنی فەرمانە دەنگییەکاندا.

