بە شانازییەوە پارێزگای هەولێر و هەرێمی کوردستان لە ڕۆژانی جەژنی قوربان، بەسەرجەم فەرمانگە و بەڕێوەبەرایەتییە پەیوەندارەکان لە خزمەتی گەشتیاران دابوون. ئەنجام بە هەوڵ و ماندووبووونی هەموولایەک، شاری هەولێر لە میواندۆستی و ئارامی، سەرکەوتنی گەورەی تۆمار کرد.
لێرە و لەوێ لە هەندێ میدیای عەرەبی دیمەنی قەرەباڵغی هاتنی گەشتیارانیان کردە هەواڵ، گوایە لە بازگەکانی هاتنیان بۆ هەولێر ڕاگیراون، لە کاتێکدا بەڕێزان لە بازگەکان بەوپەڕی بەرپرسیارەتی و میواندۆستی ئاسانکاری تەواویان بۆ گەشتیاران کرد، هاوشانی بەڕێزان لەبازگەکان تیمەکانی بەڕێوەبەرایەتیمان بە شیرینی و پێداویستی جیا جیا خزمەتی خەڵک و گەشتیارانیان دەکرد، بەڵام بەهۆی هاتنی ژمارەیەکی زۆری گەشتیار قەرەباڵغی دەبینرا، کە ئەمەش لە وێنە ڕاستەقینەکەدا سەرکەوتنی بەرنامەداڕێژراوی هەولێر بوو بۆ پێشوازی لە گەشتیاران.
هەولێر و خەڵکەکەی و حکومەت بەیەکەوە کار بۆ بەرەوپێشبردنی زیاتری کەرتی گەشتوگوزار دەکەن هەواڵی بێبنەما ساردمان ناکاتەوە لەخزمەتکردن.
بەڕێوەبەرایەتی گشتی گەشوگوزاری هەولێر
2024/6/19