ئه‌ڤرۆ سپێدێ رۆژا چارشه‌مبى 26/خزیرانا /2024 ێ ل كوچكا مێهڤانداریا د.عه‌لى ته‌ته‌ر پارێزگارێ دهۆكێ پێشوازیا (یواخیم شتامب) وه‌زیرێ كوچ و كوچبه‌رێن حكومه‌تا ئه‌لمانیا فیدرال وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن هه‌رێما كوردستانێ دگه‌ل وه‌ڵاتێ ئه‌لمانیا وره‌وشا ئاواره وپه‌نابه‌ران ل ناڤ وده‌رڤه‌ى كه‌مپا ل سنورێ پارێزگه‌هێ وئه‌و هاریكاریێن حكومه‌تا ئه‌لمانیا ب رێكێن جودا جودا نه‌خاسمه ب رێكا رێكخراوێن مرۆڤایه‌تى پێشكێشى هه‌رێما كوردستانێ وئاوارا دكه‌ن هاته كرن.
وه‌زیرێ كوچ و كوچبه‌رێن ئه‌لمانیا فیدرال سوپاسیا خه‌لكێ ده‌ڤه‌رێ وكارگێریا پارێزگه‌ها دهۆكێ كر ل دور وێ سه‌ره‌ده‌ریا مرۆڤایه‌تى یا جوان یا دگه‌ل ئاواره وپه‌نابه‌ران هاتیه كرن، هه‌روه‌سا ده‌ستخوشى ل كارگێریا پارێزگه‌ها دهۆكێ وسازیێن په‌یوه‌ندیدار كر ژبۆ به‌رهنگاربوونا وان ل هه‌ر قه‌یرانه‌كێ وچاره‌سه‌ركرنا هه‌موو ئالوزیان وسوزدا كو حكومه‌تا ئه‌لمانیا ل دووڤ شیانا هاریكاریا هه‌رێما كوردستانێ وئاواره وپه‌نابه‌ران بكه‌ت.
پارێزگارێ دهۆكێ سوپاسیا حكومه‌تا ئه‌لمانیا فیدرال كر هه‌مبه‌ر ئه‌و هاریكاریێن به‌رده‌وام نه‌خاسمه لدمێ قه‌یرانا پێشكیشى هه‌رێما كوردستانێ وب تایبه‌تى بۆ پارێزگه‌هێ كرین وخواست هه‌موو جورێن په‌یوه‌ندیا دگه‌ل وه‌ڵاتێ ئه‌لمانیا پتر پێشبكه‌ڤن وحكومه‌تا ئه‌لمانیا وه‌كو جارا هاریكاریا هه‌رێما كوردستانێ وپارێزگه‌ها دهۆكێ بكه‌ت.