گۆڕانی نێو کابینەی حکوومەتی تورکیا بەردەوامە و دەنگۆی گۆڕینی سێ وەزیری دیکە بڵاو بووەتەوە
بەگوێرەی رۆژنامەی سۆزجوی نزیک لە ئۆپۆزیسیۆن، فەخرەدین کۆجا، وەزیری تەندروستیی تورکیا کە پێشتر نامەی دەست لەکارکێشانەوەی پێشکەش کردبوو، لەسەر بڕیارەکەی رژدە و نایهەوێت بەردەوام بێت و چاوەڕێ دەکرێت شوعەیب بیرینجی، جێگری وەزیری تەندروستی بهێندرێتە شوێنی ئەو.
جگە لە کۆجا بڕیارە گۆڕانکارییەکی گشتگیر لە کابینەدا بکرێت، هاوکات چاوەڕی دەکرێت ڤێدات ئشکهان، وەزیری کار، محەمەد نووری ئەرسۆی، وەزیری کەلتور و گەشتیاری و عومەر بۆلات، وەزیری بازرگانی تورکیا بگۆڕدرێن.
جگە لەوانە، دوو وەزیری گەنجی کابینەکەی ئەردۆغان تۆمەتبار دەکرێن هەوڵی بۆ ئایندەی سیاسیی خۆیان کەسیی دەدەن.
هەواڵی پێشوو