ئەمڕۆ دووشەممە، سوپای ئۆکرانیا ڕایگەیاند، ژمارەی ئەو سەربازە ڕووسیانەی کە لەسەرەتایی هێرشی ڕووسیا بۆ سەر ئۆکرانیا کوژران و بریندار بوون، بەرزبووەتەوە بۆ نزیکەی 544 هەزار سەرباز، کە هەزار و 110 سەربازیان تەنها لە 24 کاتژمێری ڕابردوودا کوژراون بریندار بوون.
ئەرکانی گشتیی هێزە چەکدارەکانی ئۆکرانیا لە بەیاننامەیەکدا ڕایگەیاند، هێزەکانی ئۆکرانیا هەشت هەزار و 99 تانکی ڕووسیان لەناوبردووە، هەروەها 15 هەزار و 550 زرێپۆشی جەنگی، 14 هەزار و 599 سیستمی تۆپخانە، هەزار و 111 سیستەمی مووشەک و 874 سیستەمی بەرگری ئاسمانیان لەناو بردووە.
لە ڕاگەیەندراوەکەدا ئاماژە بەوەش کراوە، 360 فڕۆکە، 326 هێلیکۆپتەر، 11 هەزار و 620 فڕۆکەی بێفڕۆکەوان، 2 هەزار و 333 مووشەکی کروز، 28 کەشتی جەنگی، یەک ژێردەریایی، نزیکەی 20 هەزار ئۆتۆمبێل و تانکی سووتەمەنی، هەروەها 2 هەزار و 448 یەکەی کەرەستەی تایبەت لەناوبراون.
ئا:ج
هەواڵی پێشوو