لە پارێزگای نەجەف خۆپیشاندانی فراوان دژی نەبوونی کارەبا بەڕێوەچوو، خۆپیشاندەران رێگەی سەرەکی نەجەف-کەربەلایان داخست.
هەزاران کەس لە ناحیەی حەیدەرییە لە سنووری پارێزگای نەجەف دژی خراپی دۆخی کارەبا و نەبوونی خزمەتگوزارییە سەرەتاییەکان خۆپیشاندانیان کرد.
خۆپیشاندەران رێگەی سەرەکی نەجەف-کەربەلایان بەسوتاندنی تایە و دانانی بەرد لەسەر رێگەکەدا داخست و داوا دەکەن گوێیان پێ بدرێت.
دانیشتووانی ناحیەی حەیدەری لە سنووری نەجەف دەڵێن، سەرباری بەرزبوونەوەی بەرچاوی پلەی گەرما کاتژمێرێک کارەبایان پێدەدرێت و سێ کاتژمێر پێیان نادرێت و هەروەها دەڵێن تا ئەوکاتەی بەرپرسانی حکومەتی فیدراڵی نەیەنە سەرخەت بۆ چارەسەرکردنی کێشەکانیان لە خۆپیشاندان بەردەوام دەبن.
هەواڵی پێشوو