له ڕووداوێكی هاتووچۆدا له پارێزگای سلێمانی 4 كه‌س بوونه قوربانی.
مقه‌ده‌م زانا عه‌زیز لێپرسراوی بنكه‌ی هاتوچۆی عه‌ربه‌ت، به پێگه‌ی هاتووچۆی سلێمانی ڕاگه‌یاند، سه‌رله‌به‌ریانی ئه‌مڕۆ چوارشه‌ممه 24ی7ی2024، له‌سه‌ر ڕێگه‌ی سلێمانی – عه‌ربه‌ت له‌نزیك كۆگای سوته‌مه‌نی سلێمانی ڕووداوێكی هاتوچۆ له‌نێوان دوو ئۆتۆمبێل له‌جۆری (كیا سپۆرتاج – تاكسی كرۆلا)دا ڕوویداوه‌‌و به‌هۆیه‌وه ژماره‌یه‌ك قوربانی لێكه‌وته‌وه.
هاوكات (سامان نادر) به‌رپرسی سه‌نته‌ری فریاگوزاری خێرا (122) به پێگه‌ی هاتووچۆی سلێمانی ڕاگه‌یاند، به‌گوێره‌ی زانیارییه سه‌ره‌تاییه‌كان به‌هۆی ڕووداوه‌كه‌وه دوو كه‌س گیانیان له‌ده‌ستداوه‌‌و دوو كه‌سی دیكه‌ش بریندارن.