بڕیارە سەرۆك وەزیرانی عێراق لە بەغدا، میوانداریی فراكسیۆنە عەرەبییە سوننەكانی كەركووك بكات، بۆ گفتوگۆكردن لەبارەی گەیشتن بە چارەسەری كێشەی پێكهێنانی حكوومەتی خۆجێیی كەركووك.
سەرچاوەیەكی باڵا بە میدیا عێراقییەكانی راگەیاندووە، ئەمڕۆ پێنجشەممە 25/7/2024، محەمەد شیاع سوودانی، سەرۆك وەزیرانی عێراق، میوانداریی فراكسیۆنە عەرەبییەكانی (سوننە) لە ئەنجوومەنی پارێزگای كەركووك دەكات.
سەرچاوەكە ئاماژەی بەوە كردووە، كۆبوونەوەكە بۆ گەیشتنە بە چارەسەری كێشەی پێكهێنانی حكوومەتی خۆجێیی پارێزگای كەركووك.
ئەمە لە كاتێكدایە كە ماوەی چەند جارێكە هەوڵ بۆ پێكهێنانی حكوومەتی خۆجێیی پارێزگای كەركووك دەدرێت، بەڵام بەهۆی ناوكۆكیی نێوان لایەنەكان نەتوانراوە ئەو پرسە یەكلا بكرێتەوە.
ئەنجوومەنی پارێزگای كەركووك، لە 16 كورسیی پێكهاتووە، حەوت كورسیی هی كوردە، شەش كورسی عەرەب، دوو كورسی توركمان و كورسییەك كریستیانەكانە.