بە ئامادەبوونی ژمارەیەك لە بەرپرسانی حكوومی، حزبی و ئەدیبان، رۆشنبیران و هونەرمەندان، رێوڕەسمێك بۆ بڵاوكردنەوەی كتێبی “دیاسپۆرا و نیشتمان” بەڕێوەچوو، كە لە نووسینی هەورامان عەلی تۆفیقە.
لە رێوڕەسمەكەدا نووسەر تیشكی خستە سەر ناوەڕۆكی كتێبەكەی و دواتر لە لایەن بەشێك لە ئامادەبووان چەپكەگوڵی رێز و سوپاسی پێ بەخشرا.
فەرهەنگ غەفوور، بەڕێوەبەری گشتی رۆشنبیری و هونەری هەولێر، چەپكەگوڵی پێشكەش بە نووسەری كتێبەكە كرد و دەستخۆشیشی لێكرد و هیوای خواست بەرهەمی زیاتری بەدوادا بێت.
