ڕۆدری یەکشەممەی ڕابردوو لەکاتی یارییەکەی بەرامبەر ئارسناڵ لە خولی ئینگلیزیدا تووشی پێکان بووە.
یاریزانە ئیسپانییەکە نەیتوانی یارییەکە تەواو بکات و لە ناوەڕاستی گێمی یەکەمدا یاریگای ئیتیحادی بەجێهێشت، بەهۆی پێکانەوە.
یانە ئینگلیزییەکە ئەمڕۆ چوارشەممە بەیاننامەیەکی فەرمی بڵاوکردەوە و تیایدا پشتڕاستی کردەوە کە ڕۆدری تووشی پێکانێکی بەستەرەکانی ئەژنۆی ڕاستی بووە.
ئاماژەی بەوەشکرد، ئەو گەنجە تەمەن 28 ساڵە لەم هەفتەیەدا گەشت دەکات بۆ ئیسپانیا بۆ ئەنجامدانی پشکنینی زیاتر لەژێر چاودێری پزیشکی پسپۆڕ.