بە گوژمەی 540 ملیۆن دینار پڕۆژەی دروستكردن و قیرتاوكردنی شەقامێكی 40 مەتری لە ئاكرێ جێبەجێ دەكرێت.
ئه‌مڕۆ پێنجشه‌ممه 26ی 9ی 2024، وه‌زاره‌تی شاره‌وانیی حكوومه‌تی هه‌رێمی كوردستان ڕاگه‌یاندراێكی بڵاو كرده‌وه و تێدا هاتووه، لەسەر بودجەی وەبەرهێنانی وەزارەتی شارەوانی و گەشتوگوزار پڕۆژەی دروستكردن و قیرتاوكردنی شەقامێكی 40 مەتری بە گوژمەی 540 ملیۆن دینار لە سنووری شارەوانیی ئاكرێ جێبەجێ دەكرێت.
ئه‌وه‌ش خراوه‌ته ڕوو، ئەو پڕۆژەیە یەكێك لە پڕۆژە گرنگەكانی شارەوانی لە ئاكرێ كە دەبێتە هۆی ئاسانكاریی هاتوچۆ لە شارەكەدا و سیمایەكی جوانتریش بە شارەوانییەكە دەبەخشێت.