ئەمڕۆ دووشەممە، وەزارەتی تەندروستی لوبنان ڕایگەیاند، لە ماوەی 24 کاتژمێری ڕابردوودا زیاتر لە 460 کەس لە هێرشەکانی ئیسرائیل بۆ سەر زۆرێک لە شارۆچکە و گوندەکانی لوبنان کوژراون و بریندار بوون.
وەزارەتەکە لە بەیاننامەیەکدا ڕایگەیاند، لە ئەنجامی هێرشەکانی ئیسرائیل لە 24 کاتژمێری ڕابردوودا بۆ سەر شارۆچکە و گوندەکانی باشووری لوبنان، بەقاع، بەعلبەک-هەرمێل و باشووری لوبنان، 105 کەس کوژراون و 359 کەسیش برینداربوون.
ماوەی هەشت ڕۆژە ئیسرائیل هێرشەکانی بۆسەر لوبنان دەست پێکردووە، کە تا ئێستا بووەتە هۆی کوژران و برینداربوونی هەزاران کەس، ئەمە جگە لە ئاوارەبوونی زیاتر لە ملیۆنێک لوبنانی و ڕۆیشتنی زیاتر لە 70 هەزار کەس بۆ دەرەوەی وڵات.