شه‌ممه، 5ـی تشرینی یه‌كه‌می 2024، سه‌رۆك بارزانی له په‌یامێكدا به بۆنه‌ی جه‌ژنی جه‌مایێ، په‌یامێكی پیرۆزبایی ئاراسته‌ی ئێزدییه‌كان كردووه و تێیدا به پێویستی زانیوه هه‌موو ئاسته‌نگ و هۆكاره‌كانی به‌رده‌م ئاساییبوونه‌وه‌ی شنگال هه‌ڵبگیرێن بۆ ئه‌وه‌ی ئێزدییه‌كان بگه‌ڕێنه‌وه سه‌ر ژیانی ئاسایی خۆیان.
ده‌قی په‌یامی سه‌رۆك بارزنی:
بناڤێ خودێ مەزن و دلۆڤان
بهەلكەفتا هاتنا جەژنا (جەمایێ) یا خوشك و برایێن ئێزدی پیرۆزباهیێ ل میرێ ئێزدیان و بابا شێخ و جڤاتا ڕۆحانی و تەڤایا خوشك و برایێن ئێزدی ل كوردستانێ و هەموو جیهانێ دكەم.
برین و ئازارێت خوشك و برایێن ئێزدی، برین و ئازارا هەمی كوردستانیانە و د خەم و خۆشیادا هەڤپشكین. پێدڤی یە هەموو ئەو ئاستەنگ و هۆكار نەمینن كو ڕێگرن ل بەر ئاسایی بوونا ژیانا ئێزدییان و بتایبەت ل دەڤەرا شنگال.
هەر ب ڤێ هەلكەفتێ تەكەزێ ل بهێزكرنا فەرهەنگا پێكڤەژیانێ ل كوردستانێ دكەم و هیڤیدارم خوشك و برایێن مە یێن ئێزدی جەژن و هەلكەفتێن خۆ ب ئارامی و دلخۆشی بگێرن.
جەژنا هەوە پیرۆز و بمینن بخێرو خۆشی