بەربژارەکێ پارتی رادگەهینیت : گه‌له‌ك گڤاشتن و هه‌ڤڕكى ل سه‌ر ئاستێ نافخویی و نێڤده‌وله‌تى لسەر هەرێمێ هەنە دێ كاركه‌ین لپه‌رله‌مانی ژ بۆ خورتكرنا پێگه‌هێ هه‌رێما كوردستانێ.
نزار ئه‌حمێ حامد، به‌ربژێرێ هژماره(44) ل سه‌ر لیستا (190) یا پارتى دیموكراتى كوردستان بازنه‌یێ دهۆك به‌رنامه‌یێ خو بو ئاژانسی هەواڵی زاگرۆس ئاشكرا كر و گۆت: ب رێیا پێشكێكرنا پرۆژه‌یان ژ حكومه‌تا هه‌رێما كوردستانێ و دیتنا باشترین چاره‌سه‌ریان بۆ وان كێشه‌یێن هه‌ین ژوانا سێكته‌رێ كاره‌بێ و هەر كێماسىیەکێ دێ برژدی هەوڵا چارەسەریێ بۆ دەین.
هەروەسا بەربژێرێ پارتی گۆت: چوونامن بو پەرلەمانێ کوردستانێ كارکرن ل سه‌ر په‌یداكرنا ده‌لیڤه‌یێن كارى و دامه‌زراندنا گه‌نجان بیت و پێشكێشكرنا پرۆژه‌یان ده‌لیڤه‌یێن کاری یێن زێدەتر په‌یدا بكه‌ین.
نزار ئەحمێ گۆتژی: کارکرن لسەر دانانا كارگه‌هێن مه‌زن و گه‌نج تێدا كاربكه‌ن و رێژا بێكاریێ كێم بکەین و ئه‌م دزانین جڤاكێ مه چ دڤێت و پێدڤى ب چ هه‌یه دێ بهەمی هەوڵدانا كار ل سه‌ر كه‌ین و خزمەتا هەمی گەنج و لاوێن دەڤەرێ کەین.
ناڤهاتى زێده‌تر گۆت: ژلایێ سیاسى و جوگرافى ڤه هه‌ر تشته‌كێ بۆ هه‌رێما كوردستانێ باشه دێ كار ل سه‌ر كه‌ین، چونكو گه‌له‌ك گڤاشتن و هه‌ڤڕكى ل سه‌ر هه‌رێمێ هه‌نه، ل سه‌ر ئاستێ ئیراقێ و نێڤده‌وله‌تى لەورا دێ بگرنیەکا مەزنڤە كاركه‌ین لپه‌رله‌مانێ كوردستانێ ژ بۆ خورتكرنا پێگه‌هێ هه‌رێما كوردستانێ.
ئاماژەژی کر : هه‌رگاڤەکا پێگه‌هێ هه‌رێما كوردستانێ یێ خورت بیت به‌رامبه‌رى عێراقێ ل ئه‌وى ده‌مى عێراق نه‌شیت فشاران بكه‌ت و مووچه‌ى نه‌ده‌ت و گیروكه‌ت و ل سه‌ر ئه‌ڤان بابه‌تان ژى مه گه‌له‌ك پرۆژه هه‌نه ل پەرلەمانی
بەربژێرێ هژمارە 44 نزار ئەحمێ حامد ئەوژی گۆت کۆ پارتی دیموکراتی کوردستان حزبه‌كه ژ بۆ خزمه‌تا كورد و كوردستانێ و پاراستنا قه‌وارێ هه‌رێما كوردستانێ گەلەک گرنگه و و دێ کار بۆ رێكخستن و سیسته‌مكرنێ د كابینه‌یا ده‌هێ دا كه‌ین و مه‌زنترین گورز ل گه‌نده‌لیێ ده‌ین.
زرار ناجی