بەربژێرا هەژمارە 45 یاپارتی راگەهاند: دێ بینه نوونه‌رێن راسته‌قینه‌یێن خەلکی د په‌رله‌مانیدا و خزمه‌تا وان و خێزانێن سه‌ربلندێن شه‌هیدان و هه‌ژار و كێمده‌رامه‌تان کەین.
هاڤین ئەحمەد ئیبراهیم ئامێدی بەربژارا هەژمارە 45 سەر ب لیستا 190 یا پارتی دیموکراتی کوردستان بۆ ئاژانسا هەواڵی زاگرۆس دیار کر: پێتڤیە ئەم هەمی کار ژ بو سەرئێخستنا لیستا پارتی دیموکراتی کوردستان بکەین لڤێرێ خەلک متمانێ بمە بدەت و ئەمژی دێ لپەرلەمانێ کوردستانێ خزمەتێ کەین، ژبەرهندێ دبێژم ئەرکێ مە هەمیانە کار ژبو سەرئێخستنا لیستا 190ی پارتی بکەین.
هاڤین ئامێدی گوت : ژبەرکو پێشتر بدەهان ساڵان من دبوارێ پەروەردە و خواندنا بلندا خزمەتدکر ل داهاتیدا بۆ بلند کرنا ئاستێ زانستی زێدەتر خزمەتێ بکەین و ببینە پرەک ئانکو نوێنەرێ راستەقینەیێ خەلکێ پارێزگەها دهۆکێ و د لیژنا پەروەردێ دا لپەرلەمانێ کوردستانێدا زێدەتر خزمەتێ بکەین . هەروەسا گۆتژی ، دێ ل په‌رله‌مانێ كوردستانێ كار كه‌م داكو هنده‌ك یاسا بده‌رێخین یان ژى راست ڤه‌كه‌ین پتر گرێدایى بیت ب قوتابیان ڤه كو قوتابى ب ئاخ و ئالا و نه‌ته‌وێ ڤه بهێته گرێدان زێده‌بارى وێ یه‌كێ كو مامۆستایه‌كێ سه‌رده‌م بهێته ئاڤاكرن مامۆستایه‌ك بیت بشێت خزمه‌تا قوتابیان و وه‌لاتێ خوه بكه‌ت.
ناڤهاتی زێدەتر گۆت : هیڤیدارین ئه‌م بشێین باوه‌ریا خه‌لكى ب ده‌ست خوه ڤه بینین و دێ بینه نوونه‌رێن راسته‌قینه یێن وان د په‌رله‌مانێ كوردستانێ دا و بشێین خزمه‌تا وان و خێزانێن سه‌ربلندێن شه‌هیدان و هه‌ژار و كێمده‌رامه‌تان بكه‌م.
هاڤین ئیبراهیم ئەحمەد ئامێدی بەربژێرا 45 یا پارتی دبێژیت ،پەیامامن بو خەلکێ دهۆکێ لیستا 190 یا پارتی دیموکراتی کوردستان لیستا بەرخودان و شەهیدان و ئارامی و ئاڤەدانی و پێکڤەیی و خوڕاگریێ و لیستا پاراستنا قەوارێ هەرێما کوردستانێ بهەلبژێرن.