بەربژێرەکێ پارتی راگەهاند: هەر كارەكێ گرێدایێ ژیارا خەلكی بیت، دێ برژدی كار لسەر هەمی وان پروژان کەین کۆ خزمەت بۆ خەلكی پێ بهێتەکرن.
شریف شریف موسا، بەربژارێ هەژمارە 32 ل سەر لیستا 190 یا پارتی دیموكراتی كوردستان لبازنێ دهۆکێ بۆ پەرلەمانێ كوردستانێ دیار كر : هەر یاسایەكا گرێدایی ژیارا خەلكی و پاراستنا قەوارەیێ هەرێما كوردستانێ و خۆشكرنا ژیارا هەمی تاخ و جینین جڤاکی بیت دێ ل پەرلەمانێ كوردستانێ كار ل سەر كەین و خزمەتا پارێزگەها دهۆکێ و خەلکێ دەڤەرێ کەین.
بەربژارێ پارتی بۆ ئاژانسا هەواڵی زاگرۆس دبێژیت ، پارتی بەرنامەیەكێ تەژی خزمەت بۆ خەلكێ كوردستانێ هەیە، دەمێ باوەڕیا خەلكێ خۆ ب دەستڤە دئینین دێ كار ل سەر بجهئینانا بەرنامە و کارنامەیێن پرۆگرامێ پارتی كەین دێ درووشمێن لیستا 190 ئێخینە د خزمەتا خەلكی دا و زێدەتر خزمەتێ کەین لپەرلەمانێ کوردستانێ.
شریف شریف گۆتژی، ئێك ژ كارێن مە یێن گرنگ ل پەرلەمانێ كوردستانێ دێ ئەو بیت بۆ تەخا گەنجان كاربكەین و پتر دەلیڤەیێن كاری بۆ گەنجان پەیدا ببن، گەلەکا پێتڤیە ئەم ل پەرلەمانی بۆ زێدەتر خزمەتكرنا گەنجان كاربكەین.
ناڤهاتی ئاماژە پێکر کۆ ل دەمێ قەیرانان ب تنێ پارتی دیموكراتی كوردستان خۆ ل خەلكی دكەتە خودان و هەر پارتی بوویە قەوارەیێ هەرێما كوردستانێ پاراستی و كار بۆ ب دەستڤەئینانا هەمی مافێن خەلكێ هەرێما كوردستانێ دكەت، لەورا ژی دەنگدان بۆ لیستا 190 دەنگدانە بۆ پتر پاراستن و ب دەستڤەئێناتا مافێن خەلكێ هەرێما كوردستانێ.
هەروەسا شریف شریف ئاشکراژی دکەت ، هەر كارەكێ گرێدایێ ژیارا خەلكی بیت، دێ برژدی كار لسەر هەمی وان پروژان کەین کۆ خزمەت بۆ خەلكی پێ بهێتە كرن ،د وارێن چاندنێ و گەشتوگوزاریێدا و هەوەسا پەروەردە و ساخلەمیێ دا و رێك وپرا و ئاڤەدانی و كارەب و ئاڤێ دا دێ پتر دشیانێت مەدابیت لپەرلەمانی خزمەتاخەلكێ خۆ بكەین.
بەربژێرێ پارتی زێدەتر گۆت، دێ بینە بەڕەڤانەكێ سەر سەختێ پاراستنا بەرژەوەندیێن خەلكێ پارێزگەها دهۆکێ بگشتی و دەڤەرا زاخۆ بتایبەتی و دێ بۆ بدەستڤەئینانا پتریا مافێن وەلاتیان كار كەین و داخوازێ ژ هەمی دەنگدەران دكەین لیستا خەبات و پێشمەرگەی و شەهیدان لیستا پارتی دیمکراتی کوردستان هەلبژێرن.
