بەربژێرێ لیستا 190 یا پارتی ، گرنگیدان بتەخا گەنجان و مالباتێن شەهیدان و ئەنفالکریا و پێشمەرگێن قەهرەمان دێ کارێ من یێ داهاتی بیت لپەرلەمانێ کوردستانێ.
د. سەلیم شەعبان محەمەد تاهر گوللی بەربژێرێ هەژمارە28 لسەر لیستا190 یا پارتی دیموکراتی کوردستان لبازنێ دهۆک بۆ ئاژانسی هەواڵی زاگرۆس دیارکر، لدیڤ پسپوریاخو یا ئەکادیمی دێ هەوڵدەم بدارشتنا دستورەکێ بو هەرێما کوردستانێ و راستڤەکرنا وان یاسایێن کۆ گرێدایی بژین و ژیارا خەلکیڤە، و هەروەسا گرنگیدان بتەخا گەنجان و خزمەتکرنا مالباتێن شەهیدا و ئەنفالکریا و پێشمەرگێن قەهرەمان دێ کارێ من یێ داهاتی بیت لپەرلەمانێ کوردستانێ.
ناڤبری گۆتژی، دێ كار لسەر وان یاسایان کەین کۆ دبنە بنەمایێ پاراستنا قەوارەیێ هەرێمێ و تەناهی و سەقامگێریا سیاسی ل هەرێما كوردستانێ، و ئەگەر ببم جهێ باوەریا خەلکی دێ بمە پارێزەرێ ماف و دەستكەفتێن وان و دێ بەرەڤانیا ژ مافێن وانا كەین، و دێ بینە پشتەڤان بۆ پاراستنا سەنگا هەرێما كوردستانێ ژرویێ نیڤدەولەتیڤە.
د.سەلیم شەعبان گوللی خوەیاكر،دێ لپەرلەمانێ کوردستانێ كار بۆ دارشتن و پەسەندكرنا یاسایێن لێبۆرینا ب گشتی كەین، دا بشێوەیەكێ کۆ زیندانی ژێ مفادار بن ژڤێ یاسایێ و بزڤرن ناڤ خێزانێن خوە و ببنە كەسێن مفا بۆ جڤاکی ، ئەوژی دەمێ باوەریا جەماوەرێ پارتی و كوردێن دلسۆز مە بەدستخوەڤە ئینا.
هەروەسا بەربژارێ پارتی یێ ژمارە 28 زێدەتر گۆت، کۆ ئێك ژ بەرنامەیێن كارێ من دێ دارشتن و پەسەندكرنا یاسایا كاری بیت کۆ بشێوەیەكێ هەمی كرێکار و خودان پیشە مافێن وانا بهێنە پاراستن وەكی وان ولاتێن پێشكەفتی سەرەدەری ل گەل وانا بهێتە كرن، هەتا ژ ئالیێ خانەنشیكرنێ ڤە ژی مافێن وانا بهێنە پاراستن.
ئاماژەژی کر کو ب روحەکا گەنجانە کاربکەین لسەر کەرتێ تایبەت، كۆ ماف و ئیمتیازاتێن وان ل ڤی كەرتێ بهێنە پاراستن ب یاسایێن رێكخستی و زێدەتر ببینە پشتەڤانەك بۆ كێمكرنا وێ سەنگ و گرانیا ل سەر ملێت حكومەتێ.
د. سەلیم شەعبان گوللی بەربژێرێ ژمارە 28 ،پەیامامن بو خەلکێ پارێزگەها دهوکێ بگشتی ل روژا 20 ی 10 قەستا سندوقێن دەنگدانێ بکەن و ببنە پشتەڤانێت لیستا190 یاپارتی و ئەمژی ل پەرلەمانێ دێ بینە پارێزەرێ مافێن وە.