کەرکووک… چوار تیرۆریستی داعش کوژران
شانەی ڕاگەیاندنی ئەمنی عێراق، کوژرانی چوار تیرۆریستی داعشی لە پارێزگای کەرکووک، ڕاگەیاند.
شانەی ڕاگەیاندنی ئەمنی لە ڕاگەیاندراوێکدا ئاماژەی بەوەداوە کە فڕۆکە جەنگییەکانی عێراق پشت بەستن بە زانیارییە ھەواڵگرییەکان لە میانی زنجیرە ھێرشێکدا، حەشارگەیەکی تیرۆریستانی داعش-یان لە ناوچەی لەیلان سەربە پارێزگای کەرکووک بۆردومان کردووە.
ڕاشیگەیاندووە کە لە ئاکامی بۆردومانەکەدا، چوار تیرۆریستی داعش کوژراون، ھەروەھا حەشارگەیەکیش خاپوورکراوە.