بەربژار د. هاڤین سندی رادگەهینیت : پارتی د رۆژێن سەخت و دژوار دا خوە ل ڤی مللەتی كریەخودان و خەبات و بەرخودان و شورەش و سەرهلدان تۆمارکرینە.
د. هاڤین سەدیق خدر سندی بەربژێرا هەژمارە 46 لسەر لیستا190 یا پارتی دیموکراتی کوردستان لبازنێ دهۆک بۆ ئاژانسی هەواڵی زاگرۆس دبێژیت، دێ ئەرکێ مەیێ سەرەکی بیت لپەرلەمانێ کوردستانێ کۆ هەوڵبدەین هەمی ماف و دەستکەفتێن هەرێما کوردستانێ پارێزین و خزمەتا هەمی تەخ و چینێن جڤاکی بکەین، بتایبەت تەخا گەنجان و ئافرەتان.
گۆتژی ، پارتی د رۆژێن سەخت و دژوار دا خوە ل ڤی مللەتی كریەخودان و خەبات و بەرخودان و شورەش و سەرهلدان تۆمارکرینە بۆ کوردستانێ و هەر پارتی دیموکراتی کوردستان بو کۆ داستان تۆمارکرین و دژی مەزنترین رێخراوا داعش راوستیان و هەروەسا قەوارێ هەرێما کوردستانێ پاراستین.
د. هاڤین سەدیق سندی دیارکر: بەرنامە و كارنامەیا پارتی دیموکراتی کوردستا یا تەژیە ژ هەمی بیاڤێن خزمەتێ، كو پێشكێشی خەلكێ خۆە بکەت و ئەڤە ژی جهێ دلخوشیا هەر كەسەكێ پارێزگەها دهۆکێ یە بگشتی و ئەمژی دێ لپەرلەمانێ کوردستانێ پێگربین بۆ بجهئینانا ڤان هەمی پروژان .
بەربژارا پارتی زێدەتر گۆت ، دێ هەوڵدەم لپەرلەمانێ کوردستانێدا د لژنا پەروەردێ و خواندنا بلندا کاربکەم و دێ كار ل سەر وێ چەندێ كەم کۆ پێداچون د پرۆگرامێن خواندنێ دا بهێتە كرن و گرفتێن دكەڤنە د رێكا پرۆسێسا خواندنێ و ماموستا و فەرمانبەران دا بهێنە چارەسەركرن.
د. هاڤین سندی دیارژی کر ، ئەز وەک كچە شەهیدەك د ژینگەهەکێدا ژیایمە کو ل ئێش و ئازارێن كەسوكارێن شەهیدان دگەهم ، ژبەر ڤێ یەکێ دێ هەمی هەوڵو بزاڤا دەم کۆ ببمە دەنگێ راستەقینەیێ هەمی خێزانێن شەهیدان ل پەرلەمانێ کوردستانێ.
پەیاما من بۆ خەلکێ پارێزگەها دهۆکێ بگشتی و دەڤەرا زاخۆ بتایبەتی، ئەگەر خەلکێ مە من ژهەژی خزمەتکارنا خو ببینن بلا دەنگێخو بدەنە کچە شەهیدا هەژمارە 46 لسەر لیستا شەهیدان و ئارامیێ و ئاڤەدانیێ لیستا 190 یا پارتی دیموکراتی کوردستان.