لە یاریێکی تری هەفتەی هەشتەمی خولی ئینگلتەرا، یانەی ئارسناڵ لە دەرەوەی یاریگای خۆی بووە میوانی بورنمۆس.
لە ئەنجامێکی چاوەڕواننەکراو بورنمۆس توانی یارییەکە بە دوو گۆڵی بێبەرامبەر لە تۆپ هاوێژەکانی لەندەن بردەوە.
هەر لەگەڵ فیکەی ناوبژیوان هەردوو یانە هەوڵەکانیان خستە گەڕ بۆ تۆمارکردنی گۆڵێک، لە خولەکی 30 ناوبژیوان کارتی سووری بەڕووی یاریزان ولیام سالابیای یاریزانی ئارسناڵ بەرزکردەوە و خستیە دەرەوەی یاریگا.
لە تایمی دووەمدا خاوەن یاریگا سوودی لەو بۆشاییەی ئارسناڵی وەرگرت و لە سەرەتادا چەندین گۆڕانکاری بە یاریزانەکانی کرد و لە خولەکی 70دا گۆڵێکی لەڕێگەی ڕایان کریستای تۆمارکرد، بورنمۆس لە فشارەکانی بەردەوامبوو تاکوو ناوبژیوان لێدانێکی سزایان بۆ هەژمارکرد و جەستن کلایڤێرت بە سەرکەوتوویی جێبەجێکرد و بۆ جاری دووەم گۆڵی گەنەرزیان هەژاند.
بەم ئەنجامە، ئارسناڵ لە پلەی سێیەمدا مایەوە و 17 خاڵی هەیە، بورنمۆسیش هاتە پلەی دەیەم بە کۆکردنەوەی 11 خاڵ.