ڕۆژی پێنجشەممەی ڕابردوو کارلۆ ئەنچیلۆتی ئیتاڵی ڕاهێنەری یانەی ڕیال مەدرید دوو کۆبوونەوەی ئەنجامدا، یەکەمیان لەگەڵ یاریزانانی مێرێنگێ، دووەمیان لەگەڵ لۆکا مۆدریچی کاپتن.
ئەمەش دوای دۆڕاندنەکەی میلان بوو، سێشەممەی ڕابردوو، لە چامپیۆنزلیگ، بە ئەنجامی 1-3 لە یاریگای سانتیاگۆ بێرنابیۆ.
بەگوێرەی ڕۆژنامەی “مارکا”ی ئیسپانی، کۆبوونەوەکە ڕۆژی پێنجشەممە پێش مەشق و ڕاهێنانەکان ئەنجامدراوە، بەشێک لە یاریزانانیش بە خەیاڵیاندا نەدەهات کە لەو ماوەیەدا شەرمەزار ببن، بە پیشاندانی ڤیدیۆ کلیپ، بۆ بینینی ئەو کەموکوڕیانەی کە بەرامبەر میلان ڕوویانداوە .