سەرۆكی حكوومەتی هەرێمی كوردستان پەیامێكی سەرەخۆشیی بڵاو كردەوە و ئاراستەی ئاراستەی بنەماڵە و کەسوکاری عەقید روکن سامان سابیر سلێمان، فەرماندەی فەوجی لیوای یەکی هاوبەش و عەقید محەمەد ڕەزا کەریم، ئەفسەری ئەندازەی فیرقەی نۆی زرێپۆشی سوپای عێراق و ن.ض شەریف ئەحمەد محەمەدەمین دەكات.
ئەمڕۆ یەكشەممە 17/11/2024، مەسرور بارزانی، پەیامێكی سەرەخۆشیی بڵاو كردەوە و دەڵێت: “پرسە و سەرەخۆشیی قووڵی خۆم ئاراستەی بنەماڵە و کەسوکاری بەڕێزی (عەقید روکن سامان سابیر سلێمان، فەرماندەی فەوجی لیوای یەکی هاوبەش و عەقید محەمەد ڕەزا کەریم، ئەفسەری ئەندازەی فیرقەی نۆی زرێپۆشی سوپای عێراق و ن.ض شەریف ئەحمەد محەمەدەمین) دەکەم کە بەداخەوە ئەمڕۆ لە سنووری خورماتوو شەهید بوون، خوای مەزن گیانیان بە بەهەشت شاد بکات و ئارامی و دڵنەواییش بە بنەماڵە و هەڤاڵ و هاوسەنگەرەکانیان ببەخشێت، هیوای زوو چاکبوونەوەش بۆ بریندارەکان دەخوازم.”
سەرۆكی حكوومەت دەڵێت: “هەروەها جەخت لە گرنگیی پەرەپێدانی هاریکاری و هاوئاهەنگیی نێوان هێزی پێشمەرگە و سوپای عێراق، بۆ ڕووبەڕوونەوەی هەڕەشە و کێشە ئەمنییەکان و چەسپاندیی ئارامی و سەقامگیریی ناوچە کوردستانییەکانی دەرەوەی ئیدارەی هەرێمی کوردستان دەکەینەوە.”