ئێوارەی ئەمڕۆ پێنجشەممە 2024.11.21، ڕێبەر ئەحمەد، وەزیری ناوخۆ و ئامانج ڕەحیم، سکرتێری ئەنجوومەنی وەزیران و د. عەبدولحەکیم خەسرۆ، سەرۆکی فەرمانگەی هەماهەنگی و بەدواداچوونی حکومەتی هەرێم و ئومێد خۆشناو، پارێزگاری هەولێر، لە فڕۆکەخانەی نێودەوڵەتی هەولێر، پێشوازیانکرد لە محموود مەشهەدانی، سەرۆکی پەرلەمانی عێراقی و شاندێکی یاوەری، کە پێکهاتبوو لە ژمارەیەک پەرلەمانتار، کە بڕیارە سبەى هەینى بەشداربن لە پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست (مێپس2024) لە زانکۆی ئەمەریکی – کوردستان لە شاری دهۆک.