هەر لە یاریێکی تری پرێمەرلیگ و لە گەڕی 13 دا، هەردوو یانەی چێڵسی و ئەستۆن ڤێلا لە ستامفۆرد ڕووبەڕووی یەکتر بوونەوە.
لە کۆتاییدا یانەی بلۆز توانی یارییەکە بە سێ گۆڵی بێبەرامبەر شکست بە ئەستۆن ڤێلا بهێنێت.
لە سەرەتاکانی تایمی یەکەمدا چێڵسی گورزی خۆی وەشاند و لە خولەکی 7دا نیکۆلاس جاکسۆن گۆڵێکی تۆمارکرد،
هێرشەکان بەردەوامبوون بۆ سەر گۆڵی یەکتر، تا لە خولەکی 36 ئینزۆ فێرناندێز گۆڵی دووەمی چێڵسی نووسیەوە و ئەو تایمە بەو شێوەیە مایەوە.
لە دووەم تایم، هەردوو یانە چەندین گۆڕانکاریان بە یاریزانەکانی کرد بۆ تۆمارکردنی گۆڵی تر، تا لە خولەکی 83 یاریزان کولێ پالمەر گۆڵی سێیەم و دڵنیایی بلۆزی تۆمارکرد و یارییەکەش بەو ئەنجامە کۆتاییهات.
بەم سەرکەوتنە، چێڵسی خاوەن 25 خاڵە وەک ئارسناڵ بەڵام بە جیاوازی گۆڵ لە پلەی سێیەمدایە، ئەستۆن ڤێلاش بە 19 خاڵ پلەی 12ی ڕیزبەندی گرتووە.