ئەمڕۆ دووشەممە، 13ـ1-2025، محەممەد شیاع سوودانی، سەرۆک وەزیرانی عێراق، پاشنیوەڕۆی ئەمڕۆ بە سەردانێکی فەرمی دەچێتە بەریتانیا، ئەمەش لەسەر بانگهێشتی فەرمی سەرۆک وەزیرانی بەریتانیایە.
نووسینگەی سەرۆک وەزیرانی عێراق لەڕاگەیاندراوێکیدا بڵاوی کردەوە، “سوودانی لەسەردانەکەی بۆ بەریتانیا لەگەڵ شای بەریتانیا شا چارڵزی سێیەم و سەرۆک وەزیرانی بەریتانیا، کیر ستارمەر کۆدەبێتەوە، جگە لەوە لەگەڵ ژمارەیەک بەرپرسی باڵای حکوومەتی بەریتانیا و نوێنەرانی کۆمپانیاکان و کەرتی بازرگانی ئەو وڵاتەش کۆدەبێتەوە.”
سەردانەکەی سەرۆک وەزیران لە چوارچێوەی پتەوکردنی هاریکاری نێوان عێراق و بەریتانیا دێت، هەروەها ڕێککەوتننامە و یاداشتی لێکگەیشتن ئیمزا لەنێوان هەردوولا ئیمزا دەکرێت، لە بوارەکانی ئابووری و وەبەرهێنان و ئەمنیدا.