ئاریان سهلاحهدین، بریكاری وهزارهتی رۆشنبیری و لاوان، رۆژی پێنجشهممه له دیوانی وهزارهت پێشوازی له هونهرمهندی ناوداری كورد شڤان پهروهر کرد.
له دیدارێكدا، وێڕای گفتوگۆ له بارهی رهوشی هونهری كوردی و بهگهڕخستنی ههوڵی زیاتربۆ ئاشناكردنی گهلانی جیهان به كولتوور و هونهری كوردی؛ بریكاری وهزارهت پشتیوانی وهزارهتی بۆ پڕۆژه هونهرییهكانی هونهرمهندی ناودار دووپاتكردهوه.
لهو چوارچێوهیهدا، ئاریان سهلاحهدین رایگهیاند، لهپێناو برهودانی زیاتر و گهشهپێدانی بواری میوزیك و گۆرانی كوردی و ناساندنی به گهلانی جیهان و پاراستنی مۆركی كولتووری كوردستان، پێویستمان به پڕۆژهی ههمهجۆری هونهرمهندانی كوردستان ههیه.
گوتیشی: وهك وهزارهتی رۆشنبیری و لاوان بهردهوام دهبین له هاندان و پشتیوانی و ههماههنگی بۆ سهرخستنی پڕۆژه هونهرییهكانی هونهرمهندان.
هەواڵی پێشوو