لە قەزای دەوایەی سەر بە پارێزگای زیقار، 60 بەڕێوەبەری قوتابخانە بە هۆی “دەستدرێژی و لێدان لە مامۆستایان”ی خۆپیشاندەر دەستیان لە كار كێشایەوە.
لە ڕاگەیاندراوی ئەو بەڕێوەبەرانەی قەزای دەوایەدا، هاتووە: ئێمە وەكوو بەڕێوەبەرانی قوتابخانە، داوای دەستلەكاركێشانەوە و بەخشینمان كردووە، ئەوەش بەهۆی دەستدرێژیكردنە سەر كادیرانی پەروەردەییمان و مامەڵەی نامۆڕاڵی هێزە ئەمنییەكان و چەكداران لەگەڵ ئەو خۆپیشاندەرانەمان كە داوای مافی شەرعی و ئاسیی خۆیان كردووە.
ئاماژەیان بەوەش كردووە: بەهۆی ئەو دەستدرێژییانەوە لەسەر شكۆی مامۆستایان و كادیرانی پەروەردەیی، ئێمە داوای دەستلەكاركێشانەوەمان لە پۆستەكانمان كردووە.
لەو ڕاگەیانرداوەدا، ناوی 60 بەڕێوەبەری قوتابخانەی ناوەندی هاتووە.