عەلی خامنەیی، ڕێبەری باڵای کۆماری ئیسلامیی ئێران، لە وتەیەکدا بۆ فەرماندە باڵا سەربازییەکانی ئەم وڵاتە ڕایگەیاند: دوژمنانی ئێران لە بەرانبەر پێشکەوتنەکانی ئەو وڵاتە “دەستەوەستان” بوون و جەختی کردەوە، پێویستە هێزە چەکدارەکان بۆ ڕووبەڕووبوونەوەی پڕوپاگەندەی دوژمنان لە بەرزترین ئاستی ئامادەباشیدا بن.
بەگوێرەی وتەکانی خامنەیی، “دوژمن لە پێشکەوتنەکانی ئێمە دەستەوەستان و تووڕە بووە” و زۆربەی ئەو پڕوپاگەندانەی لە میدیاکانیاندا بڵاو دەکرێنەوە، نیشانەی ئەو دەستەوەستانییەیە و “ڕاست نین”. ناوبراو زیادی کرد: “ئەوان حەز و ئاواتەکانی خۆیان وەک زانیاری و هەواڵ بڵاو دەکەنەوە، بەڵام ڕاستی شتێکی دیکەیە.”
ڕێبەری باڵای ئێران ئاماژەی بەوەش کرد: “بە شوکر بۆ خوا کۆماری ئیسلامی هەوڵ و جووڵە و پێشکەوتنی باشی هەیە” “.
خامنەیی جەختی کردەوە. نابێت کێشەکان تێکەڵ بکرێن و لە بوارەکانی دیکەدا “پێشکەوتنی بەرچاو” بەدەست هاتووە کە “تەنانەت دوژمنانیشمان پەسنی دەکەن و دانی پێدا دەنێن”.
ناوبراو داوای کرد کە لە بەرانبەر پڕوپاگەندە و چالاکییەکانی دوژمناندا، ئێران “پلانی هەبێت و وڵام بداتەوە” و دووپاتی کردەوە کە “پێویستە دۆخی ئامادەبوون بپارێزرێت” و هێزە چەکدارەکان “لە دۆخی زۆرترین ئامادەبووندا بن”.
