وەزارەتی شارەوانی وردبینی بەشێکی دیکەی فەرمانبەران و خانەنشینان تەواوکردووە و بڕیارە لە ماوەی دوو رۆژی داهاتوو رەوانەی ئەنجومەنی وەزیران بکرێت.
سەربەست مەولوود، سەرپەرشتیاری تیمی وردبینی و رێکخستنی فۆڕمی دابەشکردنی زەوی له وه‌زاره‌تی شاره‌وانی و گەشتوگوزار رایگەیاند ، “فۆڕمی 14 هەزار و 335 خانەنشین و فەرمانبەر، تەواو بووە، لەو ژمارەیە 11 هەزاریان خانەنشینن و بڕیارە ڕەوانەی ئەنجومەنی وەزیران بکرێن بۆ وەرگرتنی رەزامەندی.”
لە پرۆسەی دابەشکردنی زەوی نزیکەی 50 هەزار خانەنشین لە سەرتاسەری هەرێمی کوردستان سوودمەند دەبن، تاوەکو ئێستا فۆڕمی نزیکەی 30 هەزاریان پەسەندکراوە و گەڕێنراوەتە شارەوانییەکان.