بەرپرسی ڕاگەیاندنی شارەوانی ئاکرێ ڕایگەیاند، سبەینێ لە پارێزگای دهۆک و لە ڕێگەی سیستەمێکی کۆمپیوتەرییەوە، 1032 پارچە زەوی بەسەر ئەو فەرمانبەرانەدا دابەش دەکرێن کە لە ساڵی 2012دا ڕەزامەندیی وەرگرتنیان بۆ دەرچووە.
زێرەڤان تەمو، بەرپرسی ڕاگەیاندنی شارەوانی ئاکرێ ئاماژەی بۆ ئەوەش کر، کە پرۆسەی دابەشکردنی زەوی بەردەوام دەبێت و لە ئێستاشدا ئامادەکاریی تەواو کراوە بۆ ئەوەی لە قۆناغی داهاتوودا 1500 پارچە زەویی دیکەش دابەش بکرێن.
گوتیشی، ئەم دابەشکردنە تەنیا ئەو فەرمانبەرانە دەگرێتەوە کە لە سیستەمی خاڵبەندیدا 26 خاڵ یان زیاتریان بەدەست هێناوە.