راگەیاندنی سوپای ئێران کوژرانی دوو فەرماندەی دیکەی خۆی له هێرشەکانی ئیسرائیل پشتڕاست کردەوه.
سوپای ئێران له سایتی فەرمیی خۆی پشتڕاستی کردەوه دوو فەرماندەی به ناوەکانی غولام رەزا میحرابی و مەهدی رەبانی له هێرشەکانی ئیسرائیل کوژراون.
میحرابی بەرپرسی هەواڵگریی سوپا و رەبانی بەرپرسی ئۆپەراسیۆنەکانی سوپا بوو.
سوپای ئێران کاتی کوژرانی ئەم دوو فەرماندەیەی ئاشکرا نەکردووه ئایا له هێرشی نوێدا کوژران یان له هێرشەکانی دوێنێی ئیسرائیل.