جۆزێ مۆرینیۆی پرتوگالی ڕاهێنەری یانەی فەنەربەخچەی تورکی دەبێتە هۆی دەست لەکارکێشانەوەی سەرۆک و هەموو ئەندامانی لێژنەی ڕێکاری خولی تورکی لەسەر بڵاو بوونەوەی سکرین شۆتێکی وەتسئەپ لە ڕۆژنامەکان.
لە سکرین شۆتەکەدا،کە بڵاو کراوەتەوە نووسراوە”وەرزی داهاتوو مۆرینیۆ دەبێ باجی قورس بدات،ئێمە وەرزی ڕابردوو زۆر نەرم و نیان بووین لەگەڵ ئەو”،کە دوای بڵاو بوونەوەی ئەو بابەتە فەنەربەخچەش هاتە سەر هێڵ و خێرا قسەی خۆیان کرد لەو بابەتە.
لە ڕاگەیاندراوی فەرمیدا یانەی فەنەربەچە بڵاوی کردەوە”ئێمە سەرمان سوڕماوە لەو حاڵەتە،کە ئەگەر بێت و ئەم بڵاو کراوانە ڕاست بن ئەوا پاکی لێژنەکە و خولەکە دەکەونە ژێر گومانەوە”،کە دوای ئەو بابەتانە ڕاستەوخۆ سەرۆکی لێژنەی ڕێکاری و سەرجەم ئەندامانی دەستیان لەکارەکانیان کێشایەوە.
“سەرکار ڕێبوار”