فابریزیۆ ڕۆمانۆ لە ڕاپۆرتێکی تایبەتدا ئاشکرای کرد، لۆکا مۆدریچ دوای مۆندیالی یانەکان پەیوەندی بە ئەسی میلانەوە دەکات، کە لە ئێستادا لەگەڵ ڕیال مەدرید بەشداری کۆتا پاڵەوانێتییەکەی دەکات.
فابریزیۆ دووپاتی کردەوە کە لۆکا مۆدریچ گەیشتووەتە ڕێککەوتنی زارەکی و کۆتایی لەگەڵ یانەی میلان، هەروەها لە مانگی تەمموزدا دوای مۆندیالی یانەکان پشکنینی پزیشکی بۆ ئەنجام دەدرێت، دوای ئەوە گرێبەستە نوێیەکەی واژۆ دەکات.
بەم شێوەیە چیرۆکی لۆکا مۆدریچ دوای 13 وەرز لە یاریگای بێرنابیۆ کۆتایی دێت، لەو ماوەیەدا 28 نازناوی لەگەڵ ڕیال مەدرید بەدەستهێنا.