ماڵپەڕی ئەلمۆنیتەری ئەمریکی ئاشکرای کرد، تۆما باراک، نێردەی تایبەتی سەرۆکی ئەمریکا بۆ کاروباری سووریا، لە ڕۆژانی داهاتوودا سەردانی هەولێر دەکات و لەگەڵ مەسرور بارزانی، سەرۆکوەزیرانی کوردستان کۆ دەبێتەوە.
ئەلمۆنیتەر ئاشكرای کردووە، تۆم باراک و مەسرور بارزانی لە کۆبوونەوەکەیاندا پێشهاتەکانی سووریا و دۆخی ئەم وڵاتە و پرسی کورد لە ڕۆژئاوای کوردستان تاوتوێ دەکەن. ئەگەری ئەوەش هەیە نێردەی دۆناڵد ترامپ هەر لە هەوڵێر، لەگەڵ مەزلووم عەبدی، فەرماندەی گشتیی هێزەکانی سووریای دیموکرات کۆ بێتەوە.
ئەمە یەکەم جارە نێردەی تایبەتی سەرۆکی ئەمەریکا بۆ سووریا سەردانی هەرێمی کوردستان دەکات و چاوەڕوان دەکرێت سەرۆک وەزیران مەسرور بارزانی، داوا لە تۆم باراک بکات، رێز لە ماف و داخوازییەکانی کوردانی ڕۆژئاوای کوردستان بگیرێت.