شەپۆلێكی گەرمی گەیشت و پلەی گەرمی شارەكانی باشووری عێراق دەگاتە 50 پلە، بەڵام لە سبەی دووشەممەوە پلەی گەرمی دادەبەزێ و لە هەرێمی كوردستانیش بەرزترین پلە 43 دەبێ.
دەستەی كەشناسی و بوومەلەرزەزانیی عێراق، ڕایگەیاند: پلەی گەرمی لە چەند شارێكی عێراق دەگاتە 50 پلەی سیلیزی، لەوانە بەسرە، نەجەف، ناسڕیە، میسان و دیوانیە.
دەستەكە ڕاشیگەیاند: بەڵام پلەی گەرمی لە ناوچەكانی هەرێمی كوردستان لەم دوو رۆژەدا لەنێوان 43 و 46 پلە دەبیت.
لە رۆژی دووشەممەوە ئەو شەپۆلە گەرمییەكە كۆتایی پێ دێت و لە دوای ئەوە پلەی گەرمی لە شارەكانی هەرێمی كوردستان لە نێوان 37 بۆ 43 پلە دەبێت و لە ناوچەكانی ناوەڕاست و باشووری عێراق لە 46 پلە تێناپەڕێ.