سەرەڕای ئەوەی چەندین دەنگۆ باس لەوە دەکەن کە لە هاوینی ئەمساڵدا لە ڕیال مەدرید بڕوات، بەڵام ڕۆدریگۆی بەڕازیلی پابەندبوونی خۆی بە مانەوە لە یانەکەی دەربڕیوە و جەختی لەوە کردووەتەوە کە هەمیشە خەونی بووە یاری بۆ لۆس بلانکۆس بکات.
دوایین ڕاپۆرتەکانی ئیسپانیا ئاماژە بەوە دەکەن ئەو یاریزانە بەنیازی ڕۆیشتنی نییە مەگەر یانەکە ڕاستەوخۆ ئاگاداری بکاتەوە کە لە پلانەکاندا نییە. سەرەڕای گرنگیدانی یانە گەورەکانی وەک لیڤەرپوول و ئارسناڵ، بەڵام تا ئێستا نە ڕۆدریگۆ و نە ڕیاڵ مەدرید هیچ ئۆفەرێکی فەرمییان پێنەگەیشتووە.
ڕۆدریگۆ لە ئێستادا لە پشوودایە دوور لە میدیاکان، بەڵام ئەو تێدەگات کە داهاتووی بە پێی ئەو ڕۆڵە دیاری دەکرێت کە لەلایەن ڕاهێنەر خابی ئەلۆنسۆوە بۆی دیاری کراوە، بەتایبەتی دوای بەشداریکردنی سنووردار لە جامی جیهانی یانەکاندا.