ڕۆژی پێنچشەممە، ١١ـی ٩ـی ٢٠٢٥ – د.سالار عوسمان، بەرپرسی بەشی ڕۆشنبیری و ڕاگەیاندنی پارتی دیموکراتی کوردستان بەیاوەری ژمارەیەک لە ئەندامانی بەش، ئەنستیتۆی کەلەپووری کوردی – دهۆک ـی بەسەرکردەوە و لەلایەن بەهار عەلی بەڕێوەبەری ئەنستیۆتەکە و ستافی بەڕێوەبردن پێشوازی لێکرا.
لە دیدارەکەدا گرنگیی ڕۆڵی کەلەپوور و پاراستنی کولتووری زارەکی بۆ گەشەپێدانی ئەرشیفی نەتەوەیی کورد لە ئێستا و داهاتوو بەرز نرخێنرا.
دواتر، د.سالار عوسمان، پشتگیری و پاڵپشتی بۆ ئەنستیتۆکە دووپاتکردەوە.
هەروەها، سوپاسی حکومەتی هەرێمی کوردستانیش کرا بۆ پشتگیرییەکانی بۆ بواری کەلەپوور، لەگەڵ ئەوەشدا جەخت لە هەماهەنگی و کاری پێکەوەیی پێویست لەم سەرجەم ئەو بوارانەدا کرایەوە.
بە گرنگییەوە باس لەوەش کرا کە لە کابینەی نوێی حکومەت، پشتگیری زیاتری ئەنستیتۆی کەلەپووری کوردی – دهۆک بکرێت، بە ئاراستە و ئامانجی فراوانترکردنی کارەکانیان و خزمەتێکی زیاتر.