سەرۆكی حكوومەتی هەرێمی كوردستان، پرسەنامەیەكی بۆ تیرۆركردنی (ئەكبەر حاجی ڕۆستەم) ڕاگەیاند و دووپاتی كردەوە “بە توندترین شێوە سەرکۆنەی تیرۆركردنەكەی دەكەم”.
ئەمڕۆ سێشەممە 23/9/2025، مەسرور بارزانی، سەرۆكی حكوومەتی هەرێمی كوردستان، پرسەنامەیەكی ڕاگەیاند: پرسە و سەرەخۆشیی قووڵی خۆم ئاڕاستەی بنەماڵە و کەسوکاری بەڕێزی کەسایەتیی نیشتمانپەروەری ناسراوی گەرمیان (ئەکبەر حاجی ڕۆستەم) دەکەم و هاوبەشی خەمیانم، بە توندترین شێوەش سەرکۆنەی تیرۆرکردنەکەی دەکەم.
مەسرور بارزانی، دووپاتی كردەوە: دەبێت دامودەزگاکانی دەڤەرەکە بە زووترین کات، لێکۆڵینەوەی پێویست بۆ دۆزینەی تاوانباران بکەن و ڕێکاری یاسایی بگرنە بەر.
لە كۆتایی پەیامەكەیدا، سەرۆكی حكوومەت ئاماژەی بەوە كردووە: خودای مەزن گیانی خوالێخۆشبوو بە بەهەشت شاد بکات و ئارامی و دڵنەواییش بە بنەماڵە و دۆست و هەڤاڵەکانی ببەخشێت.”