پۆلیسی بەریتانیا دەستگیرکردنی گومانلێکراوێکی ڕاگەیاند، کە پەیوەندی بە هێرشە ئەلیکترۆنییەکەی ١٩ی ئەیلوولەوە هەیە. ئەو هێرشە بووە هۆی دروستبوونی کێشە و تێکچوونی کارەکان لە فڕۆکەخانە گەورەکانی ئەورووپا، لەوانە بڕۆکسل، بەرلین و هیترۆی لەندەن.
ئاژانسی نیشتمانیی تاوانەکانی بەریتانیا (NCA) ڕۆژی چوارشەممە، ٢٤ی ئەیلوول، ڕایگەیاند کە ئەو پیاوە دوای دەستگیرکردنی، بە کەفالەتی مەرجدار ئازاد کراوە.
بە گوتەی پۆلیسی بەریتانیا، هەرچەندە ئەم دەستگیرکردنە هەنگاوێکی ئەرێنییە، بەڵام لێکۆڵینەوەکان لەبارەی ڕووداوەکەوە “لە قۆناغەکانی سەرەتادان” و هێشتا بەردەوامن.
بەهۆی ئەو هێرشە ئەلیکترۆنییەوە کە ئێوارەی ڕۆژی هەینی ڕووی دا، سیستەمی وەرگرتن و سواربوونی گەشتیاران لە فڕۆکەخانە گەورەکانی هەندێک شاری ئەورووپا تووشی کێشە و تێکچوون بوو.
